Претпријатието е основано со Одлука на Собранието на Општина Велес бр.08-5293 од 05.12.1989 година и е организирано како Јавно претпријатие за комунални дејности „Дервен“ – Велес и истото со Решение бр.1666/89 од 22.12.1989 година е регистрирано во Окружниот стопански суд Скопје.

ЈКП Дервен е јавно комунално претпријатие кое се бави со низа комунални дејности што опфаќаат: зафат, обработка и дистрибуција на вода за пиење, одведување на фекални води и одржување на уличната канализација, собирање и одведување на смет, подигање и одржување на градско зеленило, одржување на градските пазари, одржување на градските гробишта и други пропратни комунални дејности. Претпријатието претставува јавен сервис за граѓаните од општина Велес во областа на комуналните услуги. Работните задачи и деловниот успех на ЈКП Дервен се базираат на постигнувањето задоволство кај корисниците на нашите услуги преку обезбедување на редовни, континуирани, сигурни и квалитетни комунални услуги и постојано одржување на нивото на квалитет на истите. Ние настојуваме да го постигнеме и задржиме задоволството кај нашите корисници и преку примена на стандардите за квалитет како и почитувањето на релевантните законски прописи и норми. Политиката за квалитет се спроведува на тој начин што постојаното подобрување на квалитетот се состои во секој дел од нашите активности во рамки на услугите што ги обезбедуваме за нашите корисници.

Политиката за квалитет се темели на:

– задоволство кај корисниците на нашите услуги

– развој на кадрите преку дополнително образование, напредување, создавање на добри услови за работа, зголемување на мотивираноста и чувството на припадност во околината

– одговорност спрема заедницата со одговорен однос спрема природните ресурси и заштита на животната средина и здравјето на луѓето, почитување на законите, прописите и стандардите, отвореност кон јавноста, право на пристап до информации и етика во работењето

– политика за развој и инвестиции преку постојано вложување во развој и одржување на работните системи и опрема преку примена на современи технологии и решенија

Спроведувањето на политиката за квалитет и нејзиното континуирано подобрување е обврска на раководниот тим како и на сите вработени во ЈКП Дервен.

Ценовник на услуги на ЈКП ДЕРВЕН

Јавното комунално претпријатие ДЕРВЕН се финансира исклучиво од продажба на вода и извршени услуги. Важечки цени на услугите се следниве:

за домаќинства:

вода – 30,4 ден./m3 + 5% ДДВ

канализација – 5,45 ден./m3 +5% ДДВ

исфрлање на смет – 1,50 ден./m2 +5% ДДВ

исфрлање на смет по дворно место – 0,20 ден.

одржување на паркови и зелени јавни површини 20 ден./месец +5% ДДВ

за претпријатија:

вода – 60,25 ден./m3 + 5% ДДВ

канализација – 8,65 ден./m3 +5% ДДВ

исфрлање на смет – 3,50 ден./m2 +5% ДДВ

исфрлање на смет по дворно место – 0,50 ден.

одржување на паркови и зелени јавни површини 100 ден./месец +5% ДДВ

за училишта и детски градинки

вода – 30,4 ден./m3 + 5% ДДВ

канализација – 5,45 ден./m3 +5% ДДВ

исфрлање на смет – 3,50 ден./m2 +5% ДДВ

исфрлање на смет по дворно место – 0,50 ден.

одржување на паркови и зелени јавни површини 100 ден./месец +5% ДДВ

за дуќани

вода – 60,25 ден./m3 + 5% ДДВ

канализација – 8,65 ден./m3 +5% ДДВ

исфрлање на смет – 3,50 ден./m2 +5% ДДВ

исфрлање на смет по дворно место – 0,50 ден.

одржување на паркови и зелени јавни површини 100 ден./месец +5% ДДВ

РЕ Комунална хигиена

Надоместокот по носител на гробно место изнесува

За одржување на гробиштата:

•             гробарина – 60 денари месечно

За доделување на гробно место:

•             надоместок за гробно место со тампониран простор околу гробот – 9.000,оо денари

•             надоместок за гробно место со поплочен простор околу гробот – 14.200,оо денари

•             надоместок за доделување употреба на старо гробно место со отстапување на трети лица преку нотар и внесување во евиденција на новиот корисник – 1.000,оо денари

•             надоместок за обележување и изработка на протокол за регулациона, градежна и нивелациона линија – 4.000,оо ден.

Надоместокот за пристап и користење на гробишна инфраструктура за носител на гробно место изнесува:

• користење на ладилник – 50,оо денари /час
• изложување на починат во мртовечница за верски обреди – 900,оо денари /час
• користење сала за спомени на Раштанските гробишта – 700,оо денари /спомен
• користење на мртовечница на Раштанските гробишта – 300,00 денари/спомен
• одобрение за погреб – 200,оо денари /погреб

Надоместок за пристап и користење на гробишна инфраструктура од страна на оператор на погрeбални услуги и на каменорезач изнесува:

– користење на ладилник – 50,00 денари/час

– изложување на починат во мртовечница за верски обреди – 900,00 денари/час

– користење лафет-количка за погреб – 200,оо денари /погреб

– влез на оператор на погребални услуги во гробиштата – 1.950,оо денари /погреб

– влез на каменорезачи: од 1 до 3 часа – 1.800,оо денари/час (цената важи за  правни и физички лица кои поставуваат споменик), секој нареден час – 600,оо денари/час.

РЕ Паркови и зеленило

Надоместокот за одржување и користење на паркови и јавни зелени површини изнесува:

•             за физички лица: 20денари/месечно

•             за правни лица: 100денари/месечно

Сметките може да се платат во сите експозитури на Македонска пошта, Стопанска банка, Тутунска банка, Комерцијална банка и во благајна во Управната зграда на ЈКП ДЕРВЕН.

За сите рекламации во врска со состојбата на водомерот, обратете се на шалтерот на инкасантите, секој работен ден од 7.00 – 8.00 часот, во холот на Управната зграда.

За примедби на сметка, обратете се на тел. 043 231-011, локал 134, или во Управната зграда на ЈКП ДЕРВЕН, соба бр. 37.

Членови на Одбор за контрола над материјално финансиско работење

1. Марјан Габеров – Претседател

2. Михајло Вчков – Заменик претседател
3. Стефан Кимовски – Член
4. Благој Цилаков – Член
5. Александар Шутев – Член

Фабрика за третман на вода за пиење

Фабриката за преработка на вода за пиење се снабдува со сирова вода од акумулацијата на хидросистемот “Лисиче”.  Истата започна со работа од 1991 год. со максимален капацитет од 300л/с, кој сега е зголемен на 500л/с. Во склоп на фабриката функционира и лабораторија за следење на квалитетот на водата. Водоводниот систем во градот се состои од дванаесет резервоари со капацитет од 7.760м³, водоводни линии со вкупна должина од 94.874м‘ изведени од различни видови на материјали, 5 препумпни станици и 17.021 водомери.

Доводниот цевковод од акумулацијата на хидросистемот „Лисиче“ со дијаметар од 1000 мм и 700 мм и со должина од 21.500 м е проектиран за капацитет од 600л/с.
Врз основа на претходно изнесените податоци предвидена е процесна линија која ги опфаќа следните елементи:

• Систем за регулација на дотурот на сирова вода
• Претходно озонирање со алтернатива од предхлорирање
• Таложење со предходно дозирање на коагулациони и флокулациони средства
• Меѓуфазно озонирање
• Филтрација на брзи песочни филтри
• Дезинфекција на водата со хлор во резервоарот за чиста вода
• Систем за корекција на pH – вредноста
• Завршно автоматско хлорирање во одводниот цевовод

Работната единица Заеднички служби се состои од следните оддели:

• Комерцијално одделение;
• Правно одделение;
• Инвестиционо техничко-развојно одделение;
• Сметководствено одделение