Сметаме дека е потребно да ги известиме граѓаните дека поради состојбата со Корона вирусот, во изминатиов период голем дел од вработените од ЈКП Дервен беа распоредени на дезинфекција на јавните површини, па поради приоритетноста на овие активности, односно заштита на безбедноста и здравјето на граѓаните, косењето на јавните зелени површини се одвива со мало задоцнување. Исто така, работниците кои се хронично болни или се родители на деца до 10 годишна возраст и имаат потреба да останат дома и да се грижат за децата се ослободени од работните обврски, што допринесува активностите да се одвиваат забавено поради намалениот број на работници. Се надеваме дека граѓаните ќе имаат разбирање и трпение и ветуваме дека сите предвидени зелени површини ќе бидат искосени во најбрз можен рок.
Денес, 19.05.2020 година, се косат зелените површини на двете страни од ул. Алексо Демниев и паркот Каршијака, парк Гимназија и парк Офицерски дом.

Ги известуваме жителите на ул. Даме Груев дека од 11 Мај почнува поврзување на куќни приклучоци на водоводна линија, поради што од 11 Мај ќе има повремени прекини на водоснабдувањето, во времетраење од околу една седмица.

ЈКП Дервен – Велес, поради состојбата со Корона вирусот (КОВИД-19) во државата, Ви соопштува дека во овој период, се додека се во важност препораките и забраните на Владата и Министерството за здравство, а кои се однесуваат на спречување на ширење на Корона вирусот, вработените од ЈКП Дервен кои се задолжени за читање на водомерите нема да влегуваат во објектите во кои водомерите се поставени внатре во простории, за нивна, но и за заштита на самите граѓани.

Се молат граѓаните на Општина Велес редовно да ги плаќаат сметките за комунални услуги, за да може претпријатието непречено да го снабдува населението со вода за пиење, да собира смет и чисти јавни површини, да одржува зеленило и да ги извршува останатите работни активности од интерес за граѓаните.

Граѓаните сметките за комунални услуги може да ги плаќаат и електронски, на официјалната интернет страница на ЈКП Дервен: https://derven.mk/

Се молат граѓаните на Општина Велес, (доколку сакаат истото можат да го направат и оние граѓани чии водомери се наоѓаат надвор од објектите, а не сакаат вработените од ЈКП Дервен да влегуваат во нивните дворови) сами да ја прочитаат состојбата на своите водомери и да известат за истата во ЈКП Дервен на телефонскиот број: 043/231-011, локал 134 и локал 135, од 8.00 до 12.00 часот секој работен ден.

Однапред Ви благодариме.

Почитувани,

Во согласност со препораките од Министерството за здравство, Ве известуваме дека од денес, 12 Mарт 2020 година (четврток), Управната зграда на ЈКП Дервен (на влез во Градскиот парк) ќе биде затворена за странки во времетраење од 14 дена.

Сите граѓани кои имаат потреба од услугите на службите при ЈКП Дервен во наведениот временски период може да остварат контакт со нас по електронски пат:

– На и-меил адресата на ЈКП Дервен info@derven.mk

– На официјалната интернет страница на ЈКП Дервен https://derven.mk/

– Facebook профил: https://www.facebook.com/jkpderven/

– На телефонскиот број 043 231 011

Доколку барањата (поднесоци, акти, списи, договори, решенија и сл. од нотари, адвокати и други институции) се неодложни, истите може да се остават на влез во управната зграда на ЈКП Дервен.

Со почит,

ЈКП Дервен – Велес

Адреса: Вардарска бр. 18, 1400 Велес
☎ Телефон (централа): 043 231 011

Поради неопходни работни активности за отстранување на дефект на водоводна линија, денеска (18.10.2019 година), прекин на водоснабдувањето ќе има на ул. Архиепископ Михаил, дел од ул. Браќа Миладинови и дел од ул. Љубен Весов, од 9.45 часот се до отстранување на дефектот.

Поради неопходни работни активности за одржување на водоводна мрежа, денеска (18.10.2019 година), прекин на водоснабдувањето ќе има на ул. 8 Септември, од 8.45 до 10.00 часот.

Поради извршување на завршни работи околу реконструкцијата на водоводната линија на ул. Белградска, утре (15.10.2019 година), прекин на водоснабдувањето ќе има на оваа улица од 8:00 часот се до завршување на работите.

Поради неопходни работни активности на водоводна мрежа, денеска (14.10.2019 година), прекин на водоснабдувањето ќе има на ул. Коле Цветков и ул. Цветан Арсов од 09.30 часот, во времетраење од околу 3 часа.

Поради неопходни работни активности за одржување на водоводна мрежа, денеска (10.10.2019 година), прекин на водоснабдувањето ќе има во н. Керамидна, од 10:00 часот, во времетраење од околу 2 часа.

Поради неопходни работни активности на отстранување на дефект на водоводна линија, денеска (09.10.2019 година), прекин на водоснабдувањето ќе има во с. Горно Оризари, од 09.45 часот, се до отстранување на дефектот.