Фабриката за преработка на водата за пиење се снабдува со сирова вода од хидроакумулацијата Лисиче. При третман на површинските води потребно е да се воведат оксидациски и дезинфекциски процеси со помош на озон.

Фабриката располага со генератор за производство на озон од 1991 година. Во изминатиов период претпријатието не располагаше со резервен озонатор, а постоечкиот беше во лоша состојба поради застарената технологија на производство. Отежната беше и набавката на резервни делови, а годишните трошоци за одржување на системот изнесуваа од 10.000 до 15.000 евра.

ЈКП „Дервен“ набави озонатор за водата за пиење во Фабриката за вода, тип ДЕ НОРА ТПФ 37, вреден 12.500.000 денари (без ДДВ). Тој ќе го земени сегашниот дотраен 30 години стар озонатор.

Новиот генератор за производство на озон ќе обезбеди:

1. Намалени трошоци при производството на вода за пиење – новиот генератор за озон работи со помала моќност на електрична енергија 2. Намалени трошоци за одржување на генераторот за озон

3. Обезбедување на континуиран процес на производство на озон

4. Воведување на автоматска работа на генераторот за озон преку процесните инструменти и СКАДА системот, и секако, Квалитетна и безбедна вода за пиење во градот Велес.

Зелената површина во влезниот дел на Градскиот парк во Велес се почесто станува место за паркирање на возилата на посетителите на паркот, при што се уништува тревата и зеленилото.

Потсетуваме дека паркирањето на јавни зелени површини подложи на законски казни и апелираме посетителите на паркот да бидат посовесни и да не го уништуваат зеленилото во кое сите граѓани треба да уживаат.

На самиот почеток од грејната сезона веќе има неколку случаи на запален контејнер за смет поради тоа што несовесни граѓани во него истуриле неизгаснат пепел.

Апелираме до граѓаните да не оставаат во контејнерите за отпад неизгаснат пепел, затоа што освен што се предизвикува пожар во самиот контејнер, се нанесува и штета на возилата на комуналното претпријатие кога пожарот се појавува во товарниот дел на возилото. Имајќи во предвид дека возилото има резервоар со нафта од 200л. и дека се движи во населено место, при возење со запален отпад може да дојде до експлозија и можни човечки жртви.

Апелираме, во случај да забележите запален контејнер, да повикате противпожарна служба или да се јавите на дежурниот број на ЈКП Дервен: 076308038.

Благодариме однапред.

ЈКП Дервен

Непрописно паркираните возила често оневозможуваат пристап до контејнерите за смет за камионите на ЈКП Дервен, поради што услугата собирање на смет не може да се изврши, па камионите се враќаат следниот ден да го соберат сметот, се разбира доколку сопствениците на возилата ги поместиле во меѓувреме. Ова резултира во негативни реакции од страна на граѓаните, кои вината ја бараат кај ЈКП Дервен.

Последен беше случајот на 24.10.2019 на ул. Кузман Јосифовски Питу, кога поради блокираната улица сметот не беше собран во утврдениот термин.

Апелираме до граѓаните при паркирањето на своите возила да водат сметка дека улицата не треба да биде блокирана, и дека пристапот до контејнерите треба да биде слободен. Благодариме однапред.

Завршена е реконструкцијата на водоводната линија на ул. Белградска, комплетно со поврзување на куќните приклучоци. Следува санирање на површината на улицата.

По налог на Општина Велес, се поставуваат сообраќајни знаци на повеќе локации во градот.

Во склоп на Програмата за одржување на градското зеленило усвоена од Советот на Општина Велес, започна есенското садење на цветен расад на сите површини опфатени со програмата, на повеќе локации во градот.