26/02/2021

ЈКП Дервен – Велес

Јавно претпријатие за комунални дејности

Вести 12.07.2010

1 min read

Од вчера, недела, 11.07.2010, работни тимови од РЕ Комунална хигиена започнаа да чистат дел од отворениот канал на ул. Јордан Хаџи Константинов-Џинот, таканаречен Дервенски поток. Според Работната програма на оваа работна единица, овој канал се чисти четири пати во годината, но оваа акција се спроведува вонредно, поради поројните дождови што неодамна го зафатија градот, и донесоа наноси од земја и камења во каналот.

Со оглед на тоа што се работи за активност која е надвор од програмата за работа на РЕ Комунална хигиена, а имајќи ја во предвид и обемноста на редовните работни активности на оваа единица, акцијата за чистење на Дервенскиот поток ќе се спроведува во текот на неколку дена, кога за тоа ќе има време и можности. Затоа, им благодариме на граѓаните од оваа улица за разбирањето. Воедно, ги замолуваме граѓаните во иднина да не исфрлаат смет од домаќинствата и градежен шут во каналот, бидејќи за кратко време по чистењето тој пак ќе се претвори во дива депонија.

Copyright © All rights reserved ЈКП Дервен -.општина Велес | Newsphere by AF themes.