По налог на Општина Велес, денеска (21.06.2019 година) се чисти и мие патот долж езерото Младост, на потегот од хотел Глориус до хотелите Романтик и Бела Вода.

По налог и со поддршка на Општина Велес, обновени се три парковски клупи и додадена една нова на ул. Методија Андонов Ченто.

По поправката на дефект на водоводна линија на ул. Богдан Каракостев изминатиов викенд, денеска (19.06.2019) вратена е во првобитна состојба површината на улицата.

Заменет е со нов украдениот капак на канализациона шахта на ул. Киро Ќучук.

Го упатуваме овој апел до нашите сограѓани поради тоа што често се случува несовесни лица, поведени од целта бесплатно да ја искористат водата од цевоводот од браната Лисиче до град Велес за наводнување на сопствените земјоделски површини и напојување на стоката, да вршат криминални дејствија, односно оштетуваат елементи на цевоводот (испусни вентили, делови од испусници и воздушни вентили),  и со тоа предизвикуваат неконтролирани истекувања на вода.

Поведени од сопствен интерес нанесуваат огромна штета како на претпријатието ЈКП Дервен, така и на земјоделските површини во непосредна близина на оштетувањата на цевоводот, бидејќи, истекувањето на водата од оштетениот цевковод  не може да се контролира па предизвикува поплави на нивите кои се наоѓаат до самото оштетување, како што може да се види и во приложената видео снимка.

Апелираме за поголема свест кај сопствениците на земјоделски површини и потсетуваме дека манипулацијата со водоводните инсталации претставува незаконско дејствие и е казниво со закон.

По барање на корисниците на одбојкарското игралиште во Градскиот парк, ЈКП Дервен изведе машинска обрабока и истото го оспособи за љубителите на овој спорт повторно да можат да го користат.

Во соработка со Институтот за трансфузиологија од Скопје и Здружението Црвен крст од Велес, денеска, 18.06.2019 година, организирана е крводарителска акција на вработените од ЈКП Дервен. Учеството беше масовно, со намера да се помогне онаму каде е најпотребно.

Денеска (17.06.2019), по налог на Општина Велес, Секторот Комунална хигиена врши миење на ул. Ристо Попов во н. Превалец.

По налог на Општина Велес, денеска (13.06.2019) Секторот Комунална хигиена ја мие ул. Индустриска.

По налог на Општина Велес, поставени се сообраќајни знаци на повеќе локации во градот.