Не помагаат ни апелите ни предупредувањата што ги упатувавме во текот на изминатиот период. Минатата вечер повторно беа превртени контејнерите за смет на ул. Лазо Осмаков, со што вандалите повторно го покажаа своето грдо лице, без никаква причина истурајќи го својот бес во уништување на јавен имот.
Сметаме дека само со ригорозни мерки против уништувачите на јавниот имот и животната средина може да се подобрат состојбите. Апелираме до надлежните да преземат мерки.
