По налог на Општина Велес, а во рамки на овогодинешното садење на дрвја во град Велес, засадени се 440 листопадни и зимзелени садници од дрвја на повеќе локации во градот: Новоформираниот парк „Узус“, Младински парк, Градски парк, ул. Индустриска, игралиште кај МВР, н. Тунел, ул. Благој Ѓорев, ул. АСНОМ, парк кај Општина Велес, парк кај Автобуска станица и ул. Христо Узунов.

Успешно се спроведе акцијата за чистење на животната средина, во која учество зедоа вработени од јавните институции во градот, а која денеска, 14.12.2019 година се спроведува во сите општини во земјава. Се чистеше отпад и смет фрлен на јавни површини од страна на несовесни граѓани. Притоа беа собрани 80м3 отпад, и истиот беше транспортиран на градската депонија.

Акцијата се спроведе на четири локации: Излезот од Велес кон Башино село, околината на Агенцијата за вработување на потегот до објектите на поранешните установи Пензионерски дом и училиштето ЈХК „Џинот“, улицата „Meтодија Андонов-Ченто“, со косината на надвозникот „Битолска пруга“ и пешачката патека на ул. „8 Март“ и паркот до зградата ХИВ, со брегот на Вардар и улиците „Благој Нечев“ и „Трајко Панов“.

Апелираме до граѓаните за повисока еколошка свест со цел почиста и поздрава животна околина. Однапред благодариме.

По налог на Општина Велес, започна есенското садење на листопадни и зимзелени високорастечки садници на повеќе локации во градот. Оваа есен планирано е засадување на околу 400 дрвја по јавните зелени површини, а садниците се обезбедени од страна на Општина Велес.

За почеток на оваа акција, дрвја се садат во новоформираниот парк кај комплекс згради „Узус“ и долж ул. Индустриска.

На градската депонија поправен е фотоволтаичниот систем за производство на електрична енергија, со што повторно е воспоставено осветлување на депонијата и нормално функционирање на хидрауличната преса за отпадна хартија, картони и полиетиленски материјал.

Во пресрет на 9 Ноември, Денот на ослободувањето на градот Велес, свечено беше пуштен во употреба новоформираниот парк кај комплекс станбени згради УЗУС, изграден согласно Програмата за нови зелени површини на Општина Велес.

Фабриката за преработка на водата за пиење се снабдува со сирова вода од хидроакумулацијата Лисиче. При третман на површинските води потребно е да се воведат оксидациски и дезинфекциски процеси со помош на озон.

Фабриката располага со генератор за производство на озон од 1991 година. Во изминатиов период претпријатието не располагаше со резервен озонатор, а постоечкиот беше во лоша состојба поради застарената технологија на производство. Отежната беше и набавката на резервни делови, а годишните трошоци за одржување на системот изнесуваа од 10.000 до 15.000 евра.

ЈКП „Дервен“ набави озонатор за водата за пиење во Фабриката за вода, тип ДЕ НОРА ТПФ 37, вреден 12.500.000 денари (без ДДВ). Тој ќе го земени сегашниот дотраен 30 години стар озонатор.

Новиот генератор за производство на озон ќе обезбеди:

1. Намалени трошоци при производството на вода за пиење – новиот генератор за озон работи со помала моќност на електрична енергија 2. Намалени трошоци за одржување на генераторот за озон

3. Обезбедување на континуиран процес на производство на озон

4. Воведување на автоматска работа на генераторот за озон преку процесните инструменти и СКАДА системот, и секако, Квалитетна и безбедна вода за пиење во градот Велес.