Три дена беа доволни за повторно да се загади зелениот појас кај Топилница, откако во саботата (23.03.2019) беше темелно исчистена оваа локација во склоп на акцијата Денови на пролетта и денови на екологијата, во организација на Општина Велес, а во која беа собрани 128м3 отпад.

Доколку овој тренд на загадување на околината продолжи и во иднина, самите се осудуваме да живееме опкружени со отпад и нечистотија. Апелираме загадувањето на животната средина да престане, за сите ние и нашите семејства да живееме во поубав свет.

Благодариме.

Обновени се цветните жардињери во паркот пред гимназијата Кочо Рацин, кај спомен обележјето на Ротари клубот.

Само четири дена откако темелно беше исчистен теренот околу езерото Младост – пристапниот пат долж езерото, брегот, пешачката патека и летниковците, денеска околу езеро Младост повторно повторно загадено со отпадоци. Несовесни посетители на оваа туристичка атракција викендов зад себе оставиле ваква глетка:

Апелираме за повисока свест и грижа за животната средина, да ги фрламе отпадоците во корпа за отпадоци или во најблискиот сад за отпад. Да уживаме сите во природата, незагадена е поубава!

Благодариме.

Во тек е акција за чистење на зелениот појас кај Топилница од комунален отпад и градежен шут, организирана од страна на Општина Велес, а по повод Денот на пролетта и деновите на екологијата. Во акцијата масовно учествуваат и вработените од ЈКП Дервен.

Досега се собрани над 100м3 отпад, но со оглед на загаденоста на локацијата, конечната количина се очекува да биде поголема.

Се чисти меѓу зградите и отворен простор кај комплекс УЗУС од насобран смет и отпадоци.

Се обновуваат клупите спроти Македонски Пошти, столпчињата на паркингот на ул. Алексо Демниев и парк Каршијака. Материјалите се обезбедени од Општина Велес.

Украдени се садници од туја од новата зелена површина на ул. Самоборска, само неколку дена откако беа засадени.

Апелираме до граѓаните за повисока свест и грижа за животната средина.

Благодариме однапред.

Се обновуваат клупите и корпите за отпадоци на зелената површина кај Градскиот саат. Материјалите се обезбедени од Општина Велес.

Пред:

Потоа:

Извршена е санација на повеќе раскопани дупки од дефект на водоводна линија и оштетување на водоводна инсталација на ул. Караорман.