Изминатата недела заврши реконструкцијата на зелената паркова површина пред СОУ „Гимназија Кочо Рацин”. Екипи на ЈКП „Дервен” интензивно работеа на негово уредување.

Учениците како и граѓаните сега имаат уште едно ново пријатно место каде ќе можат да го поминуваат своето слободно време.Реконструкцијата предвидува оформување на нови патеки, целосно осветлување, поставување на урбана опрема, клупи, канделабри и корпи за отпадоци.Од неодамна на целата површина е поставен и систем за наводнување.