Вести 08.10.2010
Во пресрет на државниот празник 11ти Октомври, РЕ Комунална хигиена ги ангажира вработените во активности за уредување на пристапниот пат до Спомен Костурницата во градот. Работните активности опфаќаат чистење и миење на пристапните улици како и детално чистење на дел од улиците каде ќе се одржуваат манифестациите по повод празникот.
Деновиве, РЕ Паркови и зеленило работи на хортикултуно уредување на ул. Благој Ѓорев како дел од сезонските активности за разубавување на градот. Работни тимови од оваа единица засадуваат есенски цветен расад и го обновуваат постоечкото зеленило. По завршувањето на оваа активност, комуналците ќе продолжат со хортикултурно уредување – обнова на сезонскиот цветен расад пред градската библиотека „Бели Мугри“.
