Денеска (31.05.2019), ЈКП Дервен набави нова тракторска косилка и тракторска прскалка за наводнување за потребите на Секторот Паркови и зеленило, наменети за одржување на јавното зеленило.

Во рамки на реконструкцијата на застарена водоводна линија на ул. Белградска во вкупна должина од 600м, денеска (31.05.2019) се завршени првите 100 метри од реконструкцијата.

Денеска (30.05.2019), по налог на Општина Велес извршена е поправка на парковски клупи кај Спомен костурницата.

Вчера (30.05.2019) заврши првата фаза од изработката на Студијата за искористување на отпад од органско потекло од винариите во Вардарскиот плански регион, што претставува дел од Програмата за прекугранична соработка со Република Грција ИНТЕРРЕГ, а е во рамки на проектот БИОРЕАЛ кој е финансиран од ИПА 2 европскиот фонд.

Во просториите на ЈКП Дервен беше одржан состанок на кој беа презентирани резултатите од првата фаза на истражувањата за можностите за искористување на отпад од органско потекло од винариите во регионот, односно за одредување на најдобриот начин да се искористи био-отпадот.

По налог на Општина Велес, денеска (29.05.2019) се бојадисуваат рекламни столбови на повеќе локации во градот.

Како дел од Програмата за прекугранична соработка со Република Грција ИНТЕРРЕГ, а во рамки на проектот БИОРЕАЛ кој е финансиран од ИПА 2 европскиот фонд, денеска (29.05.2019) за потребите на ЈКП Дервен Велес донирано е ново возило за собирање и транспорт на смет – автосмеќар, во вредност од 3. 190.000 денари.

Возилото е од марка ИВЕКО, со капацитет од 5.5м3, а наменето за собирање на смет од садови за смет од 120л до 1.100л.

Со оглед на фактот што ЈКП Дервен има сериозен недостиг од возила за собирање на смет, а повеќето од постоечките возила се толку стари што почесто се расипани отколку што се функционални, очекуваме со употребата на ова возило да се подобри ефективноста и ефикасноста на услугите на Секторот Комунална хигиена, односно да се подобри квалитетот на нашите услуги кон граѓаните.

Исчистена е канализационата линија на ул. Петре Прличко (кај зградата на стариот театар), која беше затната поради тоа што несовесни граѓани фрлале крпи и сл. несоодветен отпад во канализацијата.

Апелираме до граѓаните да не фрлаат цврст отпад и отпад од домаќинствата во ВЦ школките, затоа што тој не се разградува и доведува до затнување на канализационите цевки.

По налог на Општина Велес, денеска (28.05.2019) се врши миење на ул. Киро Ќучук, ул. Васил Главинов и на игралиштето кај Дервенскиот поток.

Денеска (28.05.2019), по поправка на дефект на водоводна линија, санирана е оштетената површина на ул. Петар Делјан.