По налог на Општина Велес, денеска (31.08.2019 година), се расчистуваше обраснатото зеленило во дворното место на поранешното училиште Јордан Хаџи Константинов – Џинот.
Од предвидената реконструкција на 600 метри од главната водоводна линија на ул. Белградска, која се изведува во четири фази, завршена е третата фаза од работните активности, односно реконструкција на нови 200 метри главна водоводна линија и поврзување на 37 домаќинства на неа, со што досега, од почетокот на активностите, се изведени вкупно 400 метри главна и околу 100 метри секундарна водоводна линија на оваа улица.
Во текот на наредниот месец планирано е да се изведе обнова на уште 200 метри од главната водоводна линија на ул Белградска, со што реконструкцијата ќе биде комплетно завршена.
По налог на Општина Велес, денеска (28.08.2019 година) ЈКП Дервен работи на хортикултурно уредување на училиштето Панко Брашнар.
Додека вработените од ЈКП Дервен работеа на подготовка на парковската површина кај комплексот од станбени згради УЗУС, беа пријатно изненадени кога забележаа група на деца што самостојно одлучиле да го исчистат нивното спортско игралиште.
Им честитаме на овие млади луѓе за иницијативноста и желбата да ја унапредат средината во која што живеат. Тие се позитивен пример за развиена еколошка свест уште на рана возраст, наспроти уништувачите на урбана опрема, цвеќе, дрвја. Браво за децата!
По налог на Општина Велес, денеска (27.08.2019 година), ЈКП Дервен работи на расчистување на обраснатото зеленило околу зградата на Центарот за деца со посебни потреби, помеѓу ул. Петре Прличко и ул. Димитар Влахов.
По налог на Општина Велес, денеска (26.08.2019 година) се чистат диви депонии на ул. Петре Прличко.
