Продажба на движни ствари
Врз основа на член 4,24,25,26,27,28,29, 41,42 и член 67 од Законот за користење и располагање со стварите во државна сопственост и со стварите во општинска сопственост („Службен весник на Република Македонија“ бр.78/15, 106/15, 153/15,190/16, 21/18,101/19 и 275/19), и Одлука за оттуѓување со продажба на старо неупотребливо железо,плех, бакар и алуминиум, со број 02-279/5 од 03.02.2023 година на Управниот одбор на ЈКП „Дервен“ Велес, Комисијата за недвижни и движни ствари сопственост на Општина Велес, во име и за сметка на ЈКП „Дервен“ Велес, ја дава следната
ЈАВНА ОБЈАВА бр.7/2023
(втора објава)
за избор на правно лице кое врши дејност или поседува дозвола за собирање и/или транспортирање, преработка, рециклирање и уништување на отпад, заради продажба на движни ствари
во сопственост на ЈКП „Дервен“ Велес,
со електронско јавно наддавање
- ПРЕДМЕТ НА ЈАВНОТО ЕЛЕКТРОНСКО НАДДАВАЊЕ
1.Предмет на електронско јавно наддавање е продажба на движни ствари-старо неупотребливо железо и лим, кое се продава согласно Одлука за оттуѓување со продажба на старо неупотребливо железо,плех, бакар и алуминиум, со број 02-279/5 од 03.02.2023 година на Управниот одбор на ЈКП „Дервен“ Велес, во согласност со Извештај за проценка на вредноста на подвижен имот и транспортни средства–расходовани средства сопственост на ЈКП ДЕРВЕН Велес,бр.254/1 од 25.09.2023 година, дадени во прилог на табелата:
Јавната објава во целост можете да ја погледнете на следниот линк:
Јавна објава бр.7/23 (втора објава)
Јавна објава бр.7/23 (комисија)
Документацијата (пријава,банкарска гаранција и друго) за учество на јавното наддавање учесниците електронски ја доставуваат најдоцна до 30.11.2023 година(четврток) најдоцна до 08:00 часот.
АКЦИЈА ЗА СОБИРАЊЕ НА ГАБАРИТЕН ОТПАД
Во периодот од 25 Септември до 3 Октомври годинава ќе се спроведе акција за собирање на габаритен отпад од домаќинствата. Оваа услуга е бесплатна за граѓаните. Сите заинтересирани граѓани можат да се пријават во сектор Комунална хигиена секој работен ден од 07.00 до 15.00 часот на следниов број:
043/233-768 или на моб. тел. 075 498 551 и 071 229 986
Ги замолуваме граѓаните габаритниот отпад да не го изнесуваат на јавни површини и да не го оставаат до контејнерите за отпад без претходно да договорат термин за собирање.
Во габаритен отпад спаѓа:
Мебел, делови од мебел, душеци, прозорски заштитни решетки, кујнски елементи.
Санитарии – кади, туш кабини, корита, завеси, мијалници, тоалетни шољи, славини за вода, огледала.
Градинарска опрема – огради, врати, градинарски алат и машини, садови за цвеќе, клупи.
Друг габаритен отпад – ролетни,тенди, врати, прозори, прозорски рамки, велосипеди, радијатори, тапети, играчки и детски колички, како и дрвена амбалажа.
Нови инвестиции во Фабриката за вода
ЈКП Дервен повеќе од 50 години и служи на заедницата. Ние ја носиме одговорноста за обезбедување чиста и квалитетна вода за пиење, чисти тротоари, убаво уредена животна средина, со други зборови, квалитетни услови за живеење во урбаната средина. Тоа е суштината на јавниот сервис.
Водата од нашата градска мрежа, порано матна и во недоволно количество, денеска ја има во изобилство, и што е најважно, со квалитет што не отстапува од светските стандарди. Со цел да се модернизира производниот процес и овозможи максимална заштита на животната средина и здравјето на луѓето, во Фабриката за преработка на вода се постави систем за неутрализација, чија главна намена е во случај на инцидент, односно било какво излевање на штетни гасови (во случајов гасен хлор) да го прибере излеаниот хлор и да го неутрализира. Со ова се заштитува и здравјето и безбедноста на вработените во фабриката, но и околината. Оваа инвестиција е вложена со сопствени средства на претпријатието во износ од 1.100.822 денари.
Процесот на озонирање на водата го нема во сите водоводни претпријатија во земјава, а придонесува до многу подобар квалитет и вкус на водата за пиење. Тој дел од процесот на производство на вода е воведен со самото пуштање во работа на Фабриката за вода, и претпријатието се грижи за негово редовно одржување и сервисирање и замена на потребната опрема. За таа цел ЈКП Дервен изврши набавка на компресор модел EPM 40-A со сушач за производство на сув воздух за озон генератор. Фабриката досега имаше на располагање само еден компресор за производство на сув воздух за неопходна работа на озон генераторот и истиот работеше непрекинато. Со новиот компресор и сушач овозможено е посебно независно функционирање на системите еден од друг, така да отстранета е експлоатацијата на непрекинато работење на само еден систем, односно, при редовно сервисирање или несакан дефект на работниот компресор фабриката за преработка на вода за пиење има резервен компресор кој ќе овозможи производство на сув воздух за непрекината работа на озон генераторот. Оваа инвестиција претпријатието ја вложи со сопствени средства во износ од 1.050.000 денари.





Соопштение за граѓаните
Поради многу студеното време деновиве, како и најавата дека ниските температури ќе продолжат и во текот на наредните денови, ги потсетуваме граѓаните кои досега не ги заштитиле своите водомери од замрзнување тоа веднаш да го сторат, така што ќе ја завиткаат водомерната инсталација со дебела ткаенина и ќе ги затворат вентилите на чешмите во дворовите.
Во случај да замрзне водоводната инсталација, граѓаните да внимаваат кога ги одмрзнуваат цевките користејќи грејни тела , тоа да го прават внимателно и на одредена оддалеченост од инсталацијата. Во ниеден случај да не користат директен пламен врз цевките или водомерот, затоа што може да предзвикаат оштетување, особено ако цевката е пластична.
Доколку граѓаните забележат дека стаклото на водомерот е пукнато или водомерната инсталација е оштетена од мразот, потребно е да се обратат на бројот 231 011, локал 124, или по 15:00 часот на дежурните телефони 076 308 038 и 043 231 820 и да пријават дефект на водомерите, по што екипите на ЈКП Дервен ќе интервенираат.
Граѓаните треба да бидат информирани дека ЈКП Дервен има обврска да ја одржува водоводната мрежа, односно да интервенира на дефекти на водоводната мрежа до граница на имотот на граѓаните, односно до самиот објект во случај на деловни објекти, а обврската и трошоците за одржувањето и евентуалното отстранување на дефект на водоводната инсталација на самиот корисник е негова обврска и на негов трошок.
Во поглед на водомерите, би сакале да укажеме дека граѓаните не смеат самите да вршат поправки на водомерите, и дека доколку имаат расипан водомер, тие се должни тоа да го пријават во ЈКП Дервен (на телефонскиот број 043/231 011, локал 124) или кај реонскиот инкасатор (телефонскиот број на реонскиот инкасатор е наведен на сметките за комунални услуги).
АПЕЛ: Плаќајте сметки за комунални услуги електронски
Поради состојбата со Корона вирусот во државата, ЈКП ДЕРВЕН – Велес ги потсетува сите граѓани дека како наши корисници бесплатно може да ги користат он-лајн услугите за: детална проверка на сметките за потрошена вода и електронско плаќање на доспеаните сметки за комуналните услуги.
За да можат да ги користат услугите потребно е да се најават (регистрираат) во системот на www.e-derven.mk. Плаќањето е без провизија, брзо, сигурно и едноставно on-line плаќање.
На овој начин граѓаните ќе избегнат посета на банки, пошти и наплатни центри.
За подетални информации и забелешки можете да не контактирате на:
support@jkp-derven.com.mk или на телефон 043/231-011 локал 134
За да можете да го користите системот за е-наплата потребно е да извршите регистрација и тоа со следните податоци:

Утврдена цена за вода за пиење 2021 – 2023 год.
Одлука
JКП Дервен – Велес се финансира исклучиво од продажба на вода и извршени услуги.
Согласно Законските измени, тарифата за водните услуги ја утврдува Регулаторната комисија. Почнувајќи од 01.01.2021 година , утврдена е тарифа за снабдување со вода за пиење или водоснабдување на – ЈКП Дервен -Велес за период од 2021 – 2023 година.
Советот на Општина Велес на седницата одржана на 29.12.2020 год. донесе
Решение за давање на согласност за Одлука за промена на тарифа за вода:
Одлука на управен одбор промена на тарифа за снабдување со вода :
– утврдена тарифа – цена за вода за пиење за физички лица да изнесува:
- за 2021 година 32,99 денари /м3 +5% ддв
- за 2022 година 33,42 денари /м3 +5% ддв
- за 2023 година 33,26 денари /м3 +5% ддв
– утврдена тарифа – цена за водата за пиење за правни лица да изнесува:
- за 2021 година 64,15 денари /м3 +5% ддв
- за 2022 година 63,32 денари /м3 +5% ддв
- за 2023 година 61,36 денари /м3 +5% ддв
Советот на Општина Велес на седницата одржана на 29.12.2020 год. донесе
Одлука на управен одбор за промена на тарифа за собирање и одведување на отпадни води:
– утврдена тарифа – цена за собирање и одведување на урбани отпадни води за физички лица да изнесува :
- за 2021 година 4,28 денари /м3 +5% ддв
- за 2022 година 4,49 денари /м3 +5% ддв
- за 2023 година 4,68 денари /м3 +5% ддв
– утврдена тарифа – цена за собирање и одведување на урбани отпадни води за правни лица да изнесува :
- за 2021 година 6,44 денари /м3 +5% ддв
- за 2022 година 6,63 денари /м3 +5% ддв
- за 2023 година 6,79 денари /м3 +5% ддв
Среќни Новогодишни и Божиќни празници

Среќна Нова 2021 година, и среќни божиќни празници ви посакува Јкп Дервен.
ЈКП Дервен Велес, Ви ги честита Новогодишните и Божиќните празници, со желба за многу здравје, среќа, љубов, бериќет и успешна Нова 2021 година!!!
ПРИЈАВИ ПРОБЛЕМ / ДЕФЕКТ
Дежурен телефон
тел. 076-308-038
Ви Благодариме , за вашата соработка како совесен граѓанин
на нашата Општина.
Со Почит , ЈКП Дервен-Велес
Error: Contact form not found.
Историјат
Претпријатието е основано со Одлука на Собранието на Општина Велес бр.08-5293 од 05.12.1989 година и е организирано како Јавно претпријатие за комунални дејности „Дервен“ – Велес и истото со Решение бр.1666/89 од 22.12.1989 година е регистрирано во Окружниот стопански суд Скопје.