Набавен е нов компресор за сув воздух за потребите на генераторот за озон во Фабриката за обработка на вода, што ќе го замени дотрајаниот постоечки компресор.

Компресорот за сув воздух е набавен за износ од 835.000,00 денари (со вклучен ДДВ), со сопствени средства на претпријатието, и е неопходен за процесот на озонирање на водата, при што озонирањето е дел од процесот на обработка на суровата вода и допринесува за добриот вкус и квалитет на водата за пиење која се пласира во дистрибутивната мрежа.

Денеска (04.07.2019 година), по налог на Општина Велес темелно се чистеше и миеше задниот двор на гимназијата Кочо Рацин, се кастреше обраснатото зеленило и се изврши поправка на кошевите и клупите на игралиштето.

Денеска (03.07.2019 година), по налог на Општина Велес, исчистена е и повторно пуштена во употреба градската фонтана во Младинскиот парк.

Апелираме до посетителите на Младинскиот парк да не фрлаат отпадоци во фонтаната или по паркот, со цел ова место кое е атрактивно за посета и релаксација, особено за нашите најмлади, да остане чисто и незагадено.

Однапред благодариме.

Денеска (03.07.2019), по налог на Општина Велес, темелно се чистат и мијат ул. Христо Татарчев и ул. Никола Карев.

Во текот на ноќните часови во петокот (28.06.2019 година) непознати лица оштетиле водоводна инсталација на јавна чешма на раскрсницата кај пошта, што предизвикало неконтролирано истекување од водоводната линија на улицата и повеќечасовен прекин на водоснабдувањето во саботата за да се поправи штетата.

По налог на Општина Велес поставени се справи за вежбање и рекреација во близина на Спомен костурницата.