Денеска, 08.12.2018 година, успешно се изведе акцијата во организација на Општина Велес за пошумување на локалитетот Вршник со засадување на 5.500 садници од багрем на површина од 3 хектари.

Во акцијата, освен вработените од Општина Велес, оштинските институции, Здружението “Акцијаш” и други здруженија на граѓани, активно учество земаа и вработените од ЈКП Дервен.

Почитувани сограѓани,

На 30.11.2018, откако го собрале комуналниот отпад од контејнерите од 1м3 на ул. Оливер Китановски, вработените на комуналното претпријатие забележале дека од товарниот дел на камионот (инаку новонабавено возило за собирање на комунален отпад со капацитет од 22м3)почнало да излегува чад. Утврдено е дека несовесен граѓанин фрлил пепел со неизгаснат жар во контејнерот, што пак предизвикало палење на отпадот и штета на возилото.

Апелираме до граѓаните да не оставаат во контејнерите за отпад неизгаснат пепел, затоа што освен што се нанесува штета на возилата на комуналното претпријатие, имајќи во предвид дека возилото има резервоар со нафта од 200л. и дека се движи во населено место, при возење со запален отпад може да дојде до експлозија и можни човечки жртви.

Апелираме, во случај да забележите запален контејнер, да повикате противпожарна служба или да се јавите на дежурниот број на ЈКП Дервен: 076308038.

Благодариме однапред.

ЈКП Дервен

ЈКП Дервен, поточно Секторот Паркови и зеленило, деновиве привршува со реализација на Програмата за реконструкција и подигнување на нови зелени површини на територијата на Општина Велес за 2018 год. Голем дел од предвидените операции и активности на планираните локации се успешно реализирани, поточно:

1. Реконструирана е зелената површина на ул.Благој Ѓорев во населба Тунел, околу детското игралиште, на површина од 1650 м2, на која е поставен систем за наводнување  и хортикултурно е уреден просторот со обновување на тревната површина и засадување на 10 броја листопадни садници   Betula verrucosa  и 7 броја листопадни садници Catalpa bignonioides.

2. Реконструирана е зелената површина на ул.Благој Ѓорев во населба Тунел – сквер Багремче на површина од 890 м2, на која е поставен систем за наводнување  и хортикултурно е уреден просторот со обновување на тревната површина и засадување на 4 броја листопадни садници   Acer palmatum  и 5 броја листопадни садници Acer negundo.

3. Реконструирана е зелената површина на ул.Лазо Осмаков пред амбуланта Хигиенски на површина од 365 м2, на која е поставен систем за наводнување  и хортикултурно е уреден просторот со обновување на тревната површина и засадување на 1 листопадна садница   Acer palmatum ,  5 броја зимзелени садници Thuja Smaragd  и 10 зимзелени грмушки Buxus.

4. Реконструирана е зелената површина на ул.Петре Прличко – парк Автобуска станица на површина од 1959 м2, на која е поставен систем за наводнување  и хортикултурно е уреден просторот со обновување на тревната површина и засадување на 13 листопадни садници   Betula verrucosa  и  5 броја листопадни садници Platanus acerifolia.

5. Реконструирана е зелената површина на ул.Димитар Влахов – зеленило од Пензионерски дом до Железен мост на површина од 882 м2, на која е поставен систем за наводнување  и хортикултурно е уреден просторот со обновување на тревната површина и засадување на 10 листопадни садница   Morus alba pendula ,  5 броја листопадни садници Robinia pseudoacacia Globosa  и 20 зимзелени садници Chamaecyparis lawsoniana.

6. Подигната е нова зелена површина на ул.Андон Шурков на местото на дислоцирани времени објекти на површина од 300м2 на која е поставен систем за наводнување и хортикултурно е уреден просторот со подигнување на нова тревна површина.

7. Подигната е нова зелена површина на ул.Христо Узунов на местото на дислоцирани времени објекти на површина од 160м2 на која е поставен систем за наводнување и хортикултурно е уреден просторот со подигнување на нова тревна површина и засадување на 5 броја листопадни садници  Acer psudoplatanus.

– На неколку локации во градот засадени се и:

1. Градски парк – Cedrus sp. 5 бр.

2. Младински парк – Magnolia 5 бр.

3. Парк Офицерски – Albizzia 10 бр.

4. Центар

– жардињери – Acer palmatum 3 бр.

– споменик Кочо Рацин – Acer palmatum 2 бр.

5.Центар

– комплекс банки – Picea sp  2 бр.

– Сквер Саат – Picea sp. 3 бр.

6. ул.Индустриска – Thuja Smaragd 6 бр.

Истовремено ЈКП Дервен на планираните локации засади и околу 35.000 броја цветен расад од видот Viola sp.

Цветниот расад и дендролошкиот материјал ги обезбеди Општина Велес.

Откако на 26 и 27 Октомври ЈКП Дервен го исчисти игралиштето кај Дервенски поток од насобраниот отпад од домаќинствата кој несовесни граѓани го фрлаат во каналот, денеска, само пет дена по чистењето, сликата изгледа вака:

Ги замолуваме граѓаните сметот од домаќинствата да го изнесуваат во определените денови за собирање на смет, на соодветно место, и да не го фрлаат сметот на игралиштето каде децата треба да играат и каде фрлениот смет може да предизвика зараза и болести. Благодариме.

Почитувани граѓани,

Општина Велес, ЈКП Дервен и Нула Отпад Скопје организираат есенска акција за собирање на отпад од електрична и електронска опрема која ќе трае од 1 Ноември до 1 Декември оваа година.

Поради честата појава граѓаните при изведба на градежни активности во своите домови градежниот шут да го оставаат во контејнерите за комунален смет, Ве известуваме дека контејнерите поставени по градските улици се наменети само за складирање на комунален смет, а возилата со кои се собира комуналниот смет не се наменети за собирање на градежен шут (собирањето на градежен шут со овие возила предизвикува чести дефекти кај возилата и ја намалува ефективноста на службата).

Затоа Ве замолуваме, по изведба на било каква градежна активност градежниот шут да го носите на депонијата за градежен шут која се наоѓа на ул. Благој Ѓорев во н. Тунел, и која е наменета за складирање на овој тип на отпад. Со ова ќе дадете свој допринос  за почист и поуреден изглед на нашиот град.

Однапред благодариме.

ЈКП Дервен денеска набави специјална машина за собирање на лисја, наменета за употреба по јавните зелени површини, со цел поефективно собирање на паднатите лисја во есен.

Утрово, вработените од ЈКП Дервен, при извршувањето на работните задачи во паркот пред Општина Велес, наидоа на скршено дрво. Дрвото беше насадено минатата година во текот на есента. Со оглед на тоа дека не е прв пат несовесни граѓани да нанесуваат штета на зеленилото во градот, како и на урбаната опрема – нешта што треба да ни служат на сите и да го разубават градот во кој живееме, ги замолуваме уште еднаш граѓаните за повисока свест и одговорност за зачувувањето на животната средина.