Силниот ветар проследен со невреме што минатата вечер го зафати градот, откорна две гранки од дрво со Ø над 30см во паркот Каршијака. За среќа немаше човечки жртви или материјална штета. Една од гранките беше опасно навалена врз Ликовниот салон, па утрово работен тим на ЈКП Дервен, со особено внимание, користејќи специјално возило со кран, шест часа работеше на успешно отстранување на оштетените гранки.

И покрај тоа што пред неполн месец ЈКП Дервен ја исчисти канализационата линија на ул. Благој Ѓорев спроти Офицерскиот дом, по синоќешниот обилен дожд беше предизвикан дефект поради затнување на линијата со цврст отпад, при што настана оштетување на тротоарот долж улицата.

Апелираме до граѓаните да не фрлаат во WC школките отпад од домаќинствата, заради тоа што тој не се разградува и предизвикува затнување на канализацијата. Во случај на затнување на канализацијата, настануваат оштетувања на тротоарите и улиците, што доведува до високи трошоци за отстранување на дефектите, трошоци што се плаќаат од средствата на граѓаните. Однапред благодариме.

Деновиве, по налог на Општина Велес, се работи на кроење на градските дрвореди на сите главни улици, при што се отстрануваат само ниските гранки кои им пречат на минувачите и возилата. Овие активности ќе бидат завршени пред отпочнувањето на манифестацијата „Рацинови средби“ која се одржува во средината на месец јуни.

Истовремено, по налог на Општина Велес, се работи на отстранување на стари и деградирани дрвја на повеќе локации во градот, дрвја кои претставуваат опасност за околината.

По неодамнешната набавка на два нови трактори наменети  за собирање на смет по тесните градски улици, денеска возниот парк на ЈКП Дервен се проширува со ново возило – комбиниран камион автосмеќар со капацитет од 22м3, набавен со сопствени средства на претпријатието.  Ова возило е наменето за собирање на смет од контејнери од 5м3, 1,1м3, пластични канти од 120л и собирање на смет во кеси од врата на врата.

Со пуштањето во употреба на ова возило ќе се зголеми ефикасноста на работата на службата за собирање на смет, каде примарен и крајно сериозен проблем претставува застареноста на возилата. Тие често се расипуваат, а со оглед на тоа дека одамна не се произведуваат, резервни делови за нив нема, што пак негативно влијае на ефикасноста на службата и навременото извршување на  услугата собирање на комунален смет.

Започна пролетното садење на цветен расад.

Санирани се последиците од силното невреме минатиов викенд, односно отстранети се паднатите дрвја и гранки на повеќе локации во градот.

По обилните дождови деновиве, вработените од Сектор Комунална хигиена работат на расчистување на наносите од земја и кал на повеќе локации во градот.

Исчистено е крајбрежјето на е. Младост, летниковците и пешачките патеки од отпадот оставен од излетниците за време на прославата на 1 Мај, како и брегот на р. Бабуна.

Општина Велес и ЈКП „Дервен“ веќе осма година по ред организираат „Пролетна акција за собирање на габаритен отпад“. Акцијата е во тек и ќе трае до 15 Мај. Се молат граѓаните доколку имаат потреба за отстранување на габаритен отпад да се пријават на тел: (043) 233-768 во Сектор Комунална хигиена секој работен ден од понеделник до петок од 07.00 до 14.00 часот и во сабота од 07.00 до 12.00 часот, при што ќе договорат термин кога ЈКП Дервен да прати специјално возило и да го собере отпадот.
Во габаритен отпад спаѓаат: делови од мебел, душеци, дрвена амбалажа, столарија, пластични сандаци, гајби, алатки, стари велосипеди, пружини, радијатори и санитарии.

Исчистено игралиштето кај Дервенски поток

Вработените од ЈКП Дервен деновиве го исчистија игралиштето кај Дервенски поток, што е акција која се спроведува шест пати во годината. Проблем претставува тоа што само неколку дена по чистењето, игралиштето повторно е преполно со отпад од домаќинствата. Апелираме до граѓаните комуналниот смет да го изнесуваат на местата наменети за оставање на смет, од каде возилата на ЈКП Дервен ќе го соберат, и да не ја загадуваат својата и животната средина на своите деца.