Во периодот од 15 Август до 19 Август и од 26 Септември до 30 Септември годинава ќе се спроведе акција за собирање на габаритен отпад од домаќинствата.

Оваа услуга е бесплатна за граѓаните.

Сите заинтересирани граѓани можат да се пријават во сектор Комунална хигиена секој работен ден од 07.00 до 15.00 часот на следниве телефонски броеви:

071/229-986

075/343-751

043/233-768

Ги замолуваме граѓаните габаритниот отпад да не го изнесуваат на јавни површини и да не го оставаат до контејнерите за отпад без претходно да договорат термин за собирање.

Во габаритен отпад спаѓа:

Мебел, делови од мебел, душеци, прозорски заштитни решетки, кујнски елементи.

Санитарии – кади, туш кабини, корита, завеси, мијалници, тоалет шољи, славини за вода, огледала.

Градинарска опрема – огради, врати, градинарски алат и машини, садови за цвеќе, клупи.

Друг габаритен отпад – ролетни,тенди, врати, прозори, прозорски рамки, велосипеди, радијатори, тапети, играчки и детски колички, како и дрвена амбалажа.

Ги известуваме граѓаните на Велес дека согласно Одлука донесена од страна на Советот на Општина Велес, од 18.04.2022 година, ЈКП Дервен ќе врши дневно собирање на смет, два пати неделно, шест дена во неделата (од понеделник до сабота) вклучувајќи и државни празници, а во централното градско подрачје и по главните сообраќајници секој ден, во периодот од 7.00 до 14.00 часот (понеделник – петок) и во сабота од 7.00 до 12.00 часот. Во централното градско подрачје и долж главните сообраќајници собирање на смет ќе се врши и дополнително од 17.00 до 22.00 часот.

Се замолуваат граѓаните сметот да го изнесуваат во периодот од 6.00 до 7.00 часот во деновите определени за собирање на смет.

Ги известуваме нашите корисници дека во текот на зимските месеци ЈКП Дервен почнува со собирање на смет еден час порано отколку во летните месеци, односно собирањето на комунален смет од домаќинствата наместо од 20.00 часот ќе се врши од 19.00 часот, па ги замолуваме граѓаните сметот од домаќинствата да го изнесуваат пред 19.00 часот, за да не се случи тој да не биде собран. Однапред благодариме.

Ги известуваме нашите корисници дека поради сериозноста на епидемиолошката состојба во Општина Велес предизвикана од Корона вирусот, во периодот од 01.04.2021 година до 09.04.2021 година нема да работи благајната во Управната зграда на ЈКП Дервен. Граѓаните сметките за комунални услуги може да ги плаќаат електронски, на официјалната интернет страница на ЈКП Дервен: https://derven.mk/ , или во останатите наплатни центри во градот.

Поради најавата за многу студено време во текот на наредните денови, им препрачуваме на граѓаните кои досега не ги заштитиле своите водомери од замрзнување истото да го сторат, така што ќе ја завиткаат водомерната инсталација со дебела ткаенина и ќе ги затворат вентилите на чешмите во дворовите.

Во случај да им замрзне водоводната инсталација, граѓаните треба да внимаваат кога ги одмрзнуваат цевките користејќи грејни тела – тоа да го прават внимателно и на одредена оддалеченост од инсталацијата, и во никој случај да не користат директен пламен врз цевките или водомерот, затоа што може да предзвикаат оштетување, особено ако цевката е пластична.

Се известуваат жителите на с. Мамутчево дека на 03.02.2021 година утврден е дефект на бунарска длабинска пумпа од водоснабдителниот систем на селото. Денес, на 04.02.2021 година, започната е демонтажа на расипаната пумпа и истовремено организирано е доставување на вода за пиење за населението со цистерна. Цистерната со вода за пиење ќе биде поставена во селото во одреден период од денот за потребите на мештаните. Постапката ќе се повтори и во текот на утрешниот ден.

Ги известуваме граѓаните,

дека поради ставање во употреба на подземните контејнери на ул. Методија Андонов Ченто (во близина на пешачкото мовче на битолска пруга, ул. Благој Ѓорев (подолу од театарот Јордан Хаџи Константинов – Џинот), ул. 8 Септември (до зградата на Основен суд – Велес) и ул. Илинденска (на десната страна од улицата, пред мостот Гемиџии), отстранети ќе бидат садовите за отпад кои досега се користеа на наведените локации, и граѓаните ќе можат сметот да го оставаат во новопоставените подземни контејнери.

Начин на употреба: Се притиска педалата на подземниот контејнер, се крева капакот и се остава сметот во вреќата.

Во соработка со Општина Велес и Територијалната противпожарна единица од Велес, а во рамки на активностите за заштита на населението од ширењето на Корона вирусот, ЈКП Дервен денеска врши дезинфекција на пофреквентните улици и јавно-прометни површини во градот, односно пред сите поголеми маркети, железничката станица, пазарот во Нова населба, плоштадите С’рмаале, Којник и Панко Брашнар, просторот пред комплекс банки во централното градско подрачје, градскиот парк вклучително со рекреативната патека, Младинскиот парк, улиците Благој Ѓорев и 8 Септември заедно со тротоарите, ул. Максим Горки, Вера Циривири и Димитар Влахов.

Сметаме дека е потребно да ги известиме граѓаните дека поради состојбата со Корона вирусот, во изминатиов период голем дел од вработените од ЈКП Дервен беа распоредени на дезинфекција на јавните површини, па поради приоритетноста на овие активности, односно заштита на безбедноста и здравјето на граѓаните, косењето на јавните зелени површини се одвива со мало задоцнување. Исто така, работниците кои се хронично болни или се родители на деца до 10 годишна возраст и имаат потреба да останат дома и да се грижат за децата се ослободени од работните обврски, што допринесува активностите да се одвиваат забавено поради намалениот број на работници. Се надеваме дека граѓаните ќе имаат разбирање и трпение и ветуваме дека сите предвидени зелени површини ќе бидат искосени во најбрз можен рок.
Денес, 19.05.2020 година, се косат зелените површини на двете страни од ул. Алексо Демниев и паркот Каршијака, парк Гимназија и парк Офицерски дом.