Градското зеленило претставува украс на сите градови во светот. Во царството на челик и бетон овие делчиња од природата го носат толку потребното освежување. Дрвјата, парковите, тревниците и другите зелени простори ја разубавуваат сликата на нашиот град.

За жал, несовесни граѓани континуирано ги крадат свежо засадените садници. Веќе станува редовна пракса новонасадените дрвца и цвеќе да се крадат од зелените површини и истите да завршуваат во приватни дворови.

Уште еден проблем за комуналците претставува штетата што ја предизвикуваат уличните кучиња кои деновиве уништија голем дел од новонасадениот цветен расад на повеќе локации од градот. Особено голема е штетата што тие ја предизвикале на локацијата кај кружниот тек, како што може да се види од приложените фотографии.

Апелираме до граѓаните во иднина да покажат повеќе свест и грижа за зеленилото со што ќе допринесат градот во кој сите живееме да биде поубав и поцветен.

Во тек е работна активност на РЕ Водовод за реконструкција на застарена водоводна линија на ул. Љубен Весов, при што старата, салонитна линија се заменува со нова, изработена од ПВЦ материјал. Работните тимови од ЈКП Дервен ќе вложат напори работата да ја завршат во текот на оваа седмица.

На ден 10ти Ноември, РЕ Водовод ќе работи на отстранување на дефект на водоводна линија на ул. Тодор Јанев, поради што без водоснабдување од 8:00 до 15:00 часот ќе останат следните локации:

– ул. Тодор Јанев

– ул. Стеван Бобев

– дел од ул. Игманска

– дел од ул. Сараевска

– дел од ул. Благој Ѓорев (на потегот од касарна Алексо Демниевски – Бауман кон населба Превалец)

– ул. Никола Вапцаров

– ул. Белградска

– ул. Невена Ѓеоргиева Дуња

– ул. Грозда Кочева

– ул. Славко Ѓоргиев – Сватот

– ул. Румена Хаџи-Панзова

– ул. Киро Пракицов

– ул. Димитрија Чуповски

– ул. Живко Фирфов

– ул. Славе Ефтовски

– ул. Петре Милевски

– ул. Киро Ќучук

– ул. Гемиџиска

– ул. Васил Главинов

– ул. Мицко Козар

– населба Превалец

– населба Керамидна

– с. Оризари

– Основно училиште Рајко Жинзифов

– КПД Долно Оризари

 Работниот тим ќе вложи напори да го отстрани дефектот во најбрз можен рок. Се извинуваме поради непријатноста.

Во изјавата од страна на советничката група на СДСМ по повод одлуките усвоени од страна на Советот на општина Велес за утврдување на цени за комунални услуги беа изнесени неколку дезинформации.

– Беше изјавено дека сметката за вода на граѓаните ќе биде повисока. Поскапување на водата нема да има.

– Беше изјавено дека цените за ѓубрарина ќе се зголемат. Цените за услугата „собирање и транспортирање на смет“ ќе биде иста како во 2008 и 2009 година.

– Беше изјавено дека граѓаните ќе плаќаат повисока цена за одржување на паркови и зеленило. Цената за оваа услуга останува иста за граѓаните, а зголемување на цената ќе има само за правните лица, односно фирмите.

– Беше изјавено дека граѓаните ќе му плаќаат на ЈКП Дервен повисоки цени за погребалните услуги, при што беше спомнато дека за да постават надгробен споменик треба на претпријатието да му платат 1.800 денари. Тоа не е точно. Направено е усогласување со Законот за гробишта при што се воведуваат приватни оператори за погребални услуги, а ЈКП Дервен ќе работи како Управител на градските гробишта (одржување на градските гробишта). Граѓаните нема да му плаќаат 1.800 денари за надгробен споменик на ЈКП Дервен, туку на операторот за погребални услуги.