Градското зеленило претставува украс на сите градови во светот. Во царството на челик и бетон овие делчиња од природата го носат толку потребното освежување. Дрвјата, парковите, тревниците и другите зелени простори ја разубавуваат сликата на нашиот град.
За жал, несовесни граѓани континуирано ги крадат свежо засадените садници. Веќе станува редовна пракса новонасадените дрвца и цвеќе да се крадат од зелените површини и истите да завршуваат во приватни дворови.
Уште еден проблем за комуналците претставува штетата што ја предизвикуваат уличните кучиња кои деновиве уништија голем дел од новонасадениот цветен расад на повеќе локации од градот. Особено голема е штетата што тие ја предизвикале на локацијата кај кружниот тек, како што може да се види од приложените фотографии.
Апелираме до граѓаните во иднина да покажат повеќе свест и грижа за зеленилото со што ќе допринесат градот во кој сите живееме да биде поубав и поцветен.
На 15ти и 16ти Ноември, вработените од одделот Пумпни станици при РЕ Водовод и канализација извршија упешна поправка и монтажа на електро-моторен игличаст вентил, потребен за централно регулирање на протокот на вода на влез во резервоарот Р 8 „Гумење“, лоциран на ул. Питу Гули. Тој е еден од трите вентили за автоматска контрола на проток на вода кои се воведени во резервоари за водоснабдување како дел од осовременувањето на водоводната мрежа во градот.
Во тек е работна активност на РЕ Водовод за реконструкција на застарена водоводна линија на ул. Љубен Весов, при што старата, салонитна линија се заменува со нова, изработена од ПВЦ материјал. Работните тимови од ЈКП Дервен ќе вложат напори работата да ја завршат во текот на оваа седмица.
На ден 10ти Ноември, РЕ Водовод ќе работи на отстранување на дефект на водоводна линија на ул. Тодор Јанев, поради што без водоснабдување од 8:00 до 15:00 часот ќе останат следните локации:
– ул. Тодор Јанев
– ул. Стеван Бобев
– дел од ул. Игманска
– дел од ул. Сараевска
– дел од ул. Благој Ѓорев (на потегот од касарна Алексо Демниевски – Бауман кон населба Превалец)
– ул. Никола Вапцаров
– ул. Белградска
– ул. Невена Ѓеоргиева Дуња
– ул. Грозда Кочева
– ул. Славко Ѓоргиев – Сватот
– ул. Румена Хаџи-Панзова
– ул. Киро Пракицов
– ул. Димитрија Чуповски
– ул. Живко Фирфов
– ул. Славе Ефтовски
– ул. Петре Милевски
– ул. Киро Ќучук
– ул. Гемиџиска
– ул. Васил Главинов
– ул. Мицко Козар
– населба Превалец
– населба Керамидна
– с. Оризари
– Основно училиште Рајко Жинзифов
– КПД Долно Оризари
Работниот тим ќе вложи напори да го отстрани дефектот во најбрз можен рок. Се извинуваме поради непријатноста.
На 9ти Ноември, Денот на општина Велес и 66 години слободен Велес, со пригодна манифестација во градскиот парк симболично започна акцијата „Седум илјади рози за Велес“ чија цел е фиторемедијација на јавните површини во градот, загадени со тешки метали од 30 годишното работење на Топилницата за олово и цинк. Вработените од ЈКП Дервен, граѓаните и екологистите заедно со градоначалникот Горан Петров ги засадија првите рози од вкупно 1.900 садници колку што се планирани за првиот дел од акцијата.
Розите се донација од швајцарската амбасада, акцијата ја организира локалната самоуправа на град Велес, а Јавното комунално претпријатие Дервен зема полно учество во спроведувањето на акцијата обезбедувајќи работна рака и потребни алати и машинерија.
И покрај напорите на РЕ Паркови и зеленило да го разубави градот преку повеќенеделната акција за обновување на цветните жардињери на повеќе локации во градот која е во тек, за жал, несовесни граѓани ги крадат свежо засадените цвеќиња.
Ова е редовна појава со која ЈКП Дервен се соочува со години наназад.Веќе станува редовна пракса новонасадените дрвца и цвеќе да се крадат од зелените и цветните површини во градот и истите да завршуваат во приватни дворови и жардињери. Доколку нашите сограѓани сакаат да живеат во убаво уреден град мора да покажат поголемо внимание кон зеленилото и да го чуваат наместо да го уништуваат.
Поради редовните кражби на цвеќе, РЕ Паркови изеленило секоја сезона садат садници по два до три пати што за теренците значи неколкукратно повторување на активностите а на претпријатието и локалната самоуправа им нанесува големи финансиски загуби.
Апелираме до граѓаните во иднина да покажат повеќе свест и грижа за зеленилото со што ќе допринесат градот во кој сите живееме да биде поубав и поцветен.
РЕ Паркови и зеленило деновиве работи на обновување на цветните жардињери на повеќе локации во градот. Завршено е засадување на нови цветни садници по поголемиот дел од ул. Благој Ѓорев, на зелената површина околу споменикот Алексо Демниевски – Бауман, пред градската бибилиотека Бели Мугри и во цветните жардињери на ул. Алексо Демниев.
Во моментов работните тимови на РЕ Паркови и зеленило засадуваат цветен расад од љубичици пред градската пошта и во централното градско подрачје.
