Велес ќе засади 26 јапонски украсни цреши во чест на Тоше Проески

Градот Велес ја прифати идејата на ЈП „Македонски Шуми“ за засадување на 26 садници од јапонска украсна цреша во чест на една од најголемите ѕвезди на балканската музичка сцена – Тоше Проески, со што освен што ќе се разубави градот, симболично ќе се претстават неговите 26 години животен век за кои тој остави зад себе непроценливо богатство, љубов, верба и надеж. Оваа иницијатива има за цел прекрасната музика на Тоше, неговите хумани дела и вредностите што ги промовираше засекогаш да останат во сеќавањето на велешани. Изборот за засадување на цреша симболично ќе ги овековечи незаборавните стихови од неговата песна „Цреша“. 

Read More

Во согласност со годишната програма за работа на РЕ Паркови и зеленило, во тек е првата фаза од големото есенско уредување на градското зеленило. Тоа ќе се одвива во три фази.

Во првата фаза се врши засадување на цветен расад обезеден од страна на локалната самоуправа. Засега се засадени 2.600 парчиња цветен расад од љубичици со кои ќе се разубават јавните градски површини.

Read More

ЈКП Дервен ги известува граѓаните дека предвидена е реконструкција на водоводната линија на дел од ул.”Браќа Капчеви”. 

Реконструкцијата ќе започне на 22.09.2009 и ќе заврши на 02.10.2009. Во овој период оваа улица ќе биде затворена за сообраќај и истиот ќе биде пренасочен на ул.”Коле Цветков”.

Read More

Деновиве започна да се спроведува проектот изработен од страна на ЈКП Дервен и Локалната самоуправа на град Велес, а финансиран од Владата на Р. Македонија за времено ангажирање на невработени лица во вршење на јавни работи во општина Велес. 100 лица се ангажирани за период од шест месеци, кои се работоспособни, но невработени. Ова е еден од начините за борба против невработеноста. Невработените лица ќе се мотивираат за активно барање на работа и ќе стекнат искуство и вештини во вршење на јавни работи. Друга пак придобивка е подигнувањето на квалитетот на живот на граѓаните со тоа што ќе се подобрат комуналните услуги во општината: чистење, уредување и озеленување на општината. Јавното комунално претпријатие ќе добие помош со ангажирањето на дополнителни човечки ресурси во вршењето на комунални услуги.

Главните активности на овој проект се:

1. Расчистување и обновување на јавно зеленило за унапредување на јавната чистота во општината
– Уредување на Градскиот парк и зеленило
– Уредување на градските гробишта
– Чистење на населба Превалец
– Уредување на зелени површини пред станбени згради
– Чистење на пристапни патишта кон град Велес
– Еколошки активности: чистење на диви депонии, чистење на речни брегови и водотеци, уредување на крајбрежен појас на езеро Младост
– Зголемување на зачестеноста на чистењето на градските улици

2. Вршење јавни работи во образовните институции и јавните површини
– Фарбање и обновување на оградите на училишните дворови
– Фарбање и обновување на ракофати и огради во градот

50 лица се распоредени во РЕ Паркови и зеленило а 50 во РЕ Комунална хигиена. Моментално се работи на локацијата на Градскиот парк (чистење на површините од отпад, отстранување на прераснати грмушки и засадување на нови садници) и на ул. Вардарска (чистење и метење на улиците од отпадоци и прав). ЈКП Дервен учествува во проектот со свои возила, механизација и алат, како и стручна помош околу работната акција. Материјалот за хортикултурното уредување, ангажирање на дополнителна механизација и материјалот за фарбање ќе бидат обезбедени од буџетот на општина Велес.

За развојот на проектот и резултатите од неговиот прогрес граѓаните на Велес ќе бидат редовно известувани, а очекуваме резултатите од овој проект од кој најголема придобивка ќе имаат граѓаните да бидат наскоро видливи.

ЈКП Дервен ве известува дека на 22.06 и 23.06.2009 год. ќе се вршат работни активности на ул. „Прва Комуна“ заради промена на водоводен приклучок, односно прекоп на улицата, поради што во текот на овие два дена сообраќајот на „Прва Комуна“ ќе се одвива само на едната страна на улицата.
Би сакале да ве информираме дека заради безбедност на сообраќајот во текот на овие два дена на оваа улица ќе бидат поставени потребните сообраќајни знаци.

ЈКП Дервен ги известува граѓаните дека на 18.06.2009 ќе продолжи со работните активности на ул. „Максим Горки“ за реконструкција на водоводна и канализациона инсталација.  Во периодот од 18.06.2009 до 10.07.2009 улицата „Максим Горки“, од спојот со ул. „Глигор Прличев“ до плоштадот Којник, ќе биде затворена за сообраќај.

Во овој период сообраќајот ќе биде пренасочен преку ул. „Славе Петков“. 

Благодариме за разбирањето.

Согласно законот, за да се закупи продажно место на некој од зелените пазари, пред се потребно е да се поднесе доказ за обезбеден статус на лице кому може да му се издаде продажно место под закуп. Постојат повеќе категории на регистрирани или евидентирани закупци и во зависност од тоа на која категорија припаѓаат, овие лица за да закупат продажно место треба да ги достават следните документи:

– За категоријата ТРГОВЕЦ, потребно е да се достави Уверение или Решение за регистрација на фирма.
– За категоријата ЗАНАЕТЧИЈА, потребно е Уверение за регистриран занаетчија издадено од Здружението на занаетчии на Велес
– За категоријата ЗЕМЈОДЕЛСКИ ПРОИЗВОДИТЕЛ, потребно е да се достави Потврда за регистриран земјоделски производител издадена од подрачната единица на Министерството за земјоделство, шумарство и водостопанство – Велес.

– За категоријата ЛИЦЕ ВО РАБОТЕН ОДНОС КОЕ НЕ Е ВРШИТЕЛ НА ЗЕМЈОДЕЛСКА ДЕЈНОСТ, потребно е да се достави Потврда за евидентиран статус во Министерството за земјоделство, шумарство и водостопанство + Копија од поседовен лист.
– За категоријата ПЕНЗИОНИРАНО ЛИЦЕ КОЕ НЕ Е ВРШИТЕЛ НА ЗЕМЈОДЕЛСКА ДЕЈНОСТ, исто така потребна е Потврда за евидентиран статус во Министерството за земјоделство, шумарство и водостопанство + Копија од поседовен лист. 

Освен наведените документи, сите категории на закупци треба да понесат и копија од лична карта.

Откако ќе ги достават потребните документи, заинтересираните лица склучуваат Договор со ЈКП Дервен за закуп на продажно место, кој се обновува еднаш годишно, во периодот помеѓу 1-15 Јануари.