Акцијата за собирање на габаритен отпад што започна минатата сабота, на 14.05.2011 година продолжува и оваа сабота, 21.05.2011 година.

За потсетување, граѓаните ќе можат да го оставаат габаритниот отпад пред сопствените објекти (се разбира доколку просторот тоа го дозволува и тоа не го попречува сообраќајот), а во спротивен случај треба да ги почекаат возилата за собирање смет од ЈКП Дервен и директно да го внесат отпадот во нив. За собирањето на овој вид отпад на граѓаните нема да им се наплатува.

Постојат ограничувања околу видот на отпад што може да се собира со оваа акција.

Граѓаните ќе можат да исфрлаат:

– делови од мебел, душеци, дрвена амбалажа, столарија без стакло, пластични сандаци и гајби, алати, стари велосипеди, пружини, радијатори и санитарии.

Во отпадот што ќе се собира не спаѓаат:

– електронски уреди: телевизори, компјутери и слично, електрични уреди, салонитни плочи, автомобилски и тракторски гуми, гранки и зеленило, било каков течен отпад и амбалажа од пестициди.

Оваа сабота, со оглед на тоа што акцијата ќе се изведува по реони, габаритен отпад ќе се собира од следните улици:

Од месност долни дуќани:

1.  Д.Најдов
2. С.Јанакиевиќ
3. Р. Жинзифов
4. Кирил и Методиј
5. Б.Леов
6. К.Охридски
7. С.Петков
8. М.Горки
9. П.Трајков – ракчето
10. П.Гули
11. М.Милевски
12. Г.Прличев
13. Т.Саздов
14. Ј.Џипунов
15. М.Страчков
16. Игманска
17. Д.Груев
18. Љ.Весов
19. М.Апостолски
20. В.Шолјев
21. Титоваужичка
22. Пирин планина
23. К.Марко
24. Бр.Миладинови
25. Бр.Поп-Јорданови
26. К.Зафиров
27. Цар Самоил
28. К.Ј.Питу
29. К.Рацин
30. В.Назор
31. К.Неделковски,

И други улици кои гравитираат од десната страна по течението на реката Вардар.

Апелираме до граѓаните активно да се вклучат во акцијата и да ја искористат можноста да се ослободат од сите непотребни предмети од домаќинствата кои спаѓаат во габаритен отпад.

Деновиве РЕ Паркови и зеленило работи на хортикултурно уредување на повеќе локации во градот.

Завршени се активностите во централното градско подрачје. Пред Основниот суд во постоечките жардињери се изврши дотур на земја, беше поставен систем за полевање и се засади зеленило и цветен расад. Кај „Јаворот“ хортукултурно беа уредени жардињерите со засејување на тревен и цветен расад.

На ул. Димитар Влахов, откако беа формирани жардињери, ЈКП Дервен изврши дотур на земја, а деновиве таму ќе се засади и соодветен дендролошки и цветен материјал.

На ул. Благој Ѓорев се вршат припреми за започнување со засадување на нов, летен цветен расад на местото на пролетниот. Во шаренилото од цветови и зеленило се издигнуваат и липите што минатата пролет беа искроени од страна на стручни лица од ЈКП Дервен и кои одлично се вклопуваат во жардињерите што се протегаат долж главната улица, давајќи му живот и боја на градот.

Општина Велес и ЈКП „Дервен“ организираат „Пролетна акција за собирање на габаритен отпад“. Акцијата започнува во сабота,  на 14.05.2011, а ќе се одвива во периодот од 8 до 18 часот секоја сабота во текот на месеците мај и јуни. Доколку има потреба, акцијата ќе продолжува и во ден недела.

Оваа акција претставува одлична можност граѓаните да се ослободат од непотребните предмети во домаќинствата кои се премногу габаритни за да бидат фрлени во контејнерите за отпад.

Граѓаните ќе можат да го оставаат габаритниот отпад пред сопствените објекти (се разбира доколку просторот тоа го дозволува и тоа не го попречува сообраќајот), а во спротивен случај треба да ги почекаат возилата за собирање смет од ЈКП дервен и директно да го внесат отпадот во нив. За собирањето на овој вид отпад на граѓаните нема да им се наплатува.

Постојат ограничувања околу видот на отпад што може да се собира со оваа акција.

Граѓаните ќе можат да исфрлаат:

– делови од мебел, душеци, дрвена амбалажа, столарија без стакло, пластични сандаци и гајби, алати, стари велосипеди, пружини, радијатори и санитарии.

Во отпадот што ќе се собира не спаѓаат:

– електронски уреди: телевизори, компјутери и слично, електрични уреди, салонитни плочи, автомобилски и тракторски гуми, гранки и зеленило, било каков течен отпад и амбалажа од пестициди.

Акцијата ќе се изведува по реони, а граѓаните ќе бидат навремено известувани преку средствата за јавно информирање од кои улици ќе биде собиран габаритниот отпад во тековниот викенд.

Акцијата ќе започне со собирање на габаритниот отпад од улиците што се наоѓаат на левата страна од течението на реката Вардар, поточно од следните улици:

– Ганчо Хаџи Панзов,
– Родна Ивева,
– Орце Шутев,
– Ристо Најдов – Шајката,
– Јовче Ќучук,
– Славјанска,
– Богдан Каракостев,
– Благој Јосмов,
– Јован Наумов – Алабакот,
– Вера Циривири,
– Бошко Златанов,
– Киро Рогужаров,
– Петре Михов,
– Ѓорги Димитров,
– Иво Лола Рибар,
– Јане Сандански,
– Ѓорче Петров,
– Димитар Влахов,
– Петре Прличко,
– Маца Овчарова
– Киро Димов – витамин,
– Ордан Џинот,
– Боге Николов,
– Браќа Капчеви,
– Коле Цветков,
– Јовче Тикваров,
– Благој Кирков,
– Загребска,
– Прохор Пчински,
– Цветан Арсов,
– Славко Давчев,
– Стефан Богоев

и сите останати  улици кои гравитираат од лева страна по течението на реката Вардар.

Апелираме до граѓаните активно да се вклучат во акцијата и да ја искористат можноста да се ослободат од сите непотребни предмети од домаќинствата кои спаѓаат во габаритен отпад.

Заради олеснување на акцијата се молат граѓаните габаритниот отпад да го пријават во ЈКП „Дервен“ на контакт телефонот 233-768

ЈКП Дервен деновиве ќе започне со изведба на 1та фаза од Пилот проектот усвоен од страна на Управниот одбор на претпријатието за поставување на механизми за водомери со опција за далечинско отчитување на еден реон од градската водоводна мрежа. Доколку овој проект покаже успешни резултати, претпријатието ќе продолжи со неговата изведба и кај останатите реони од градската водоводна мрежа.

            Системот за далечинско отчитување на потрошувачката на вода значи и буквално читање на потрошувачката на вода во станбените објекти од далечина со помош на GPRS систем односно безжичен радиосистем.

            ЈКП Дервен има идеја овој проект да го изведе во три фази.

Во првата фаза 130 водомери со далечинско отчитување пробно ќе се постават во Нова населба на дел од  ул. Лазо Осмаков, Пајак Планина, Мирка Гинова, Осма Велешка Бригада и Костурска. Овој реон е избран бидејки претставува целина.

Работните активности од првата фаза на пилот проектот вклучуваат демонтажа на постоечките водомери и замена на механизмите со механизми приспособени за далечинско отчитување.

Во втората фаза од проектот на водомерите ќе се инсталира модулот со читач и радиопредавател кој за секој корисник ќе има идентификациски податоци. Идентификацијата вклучува име и презиме на корисникот, адреса, број на шифра на водомер и др. податоци за секој корисник одделно. Движејќи се по улицата, инкасантот во мини компјутерот ги добива сите податоци и состојби на корисниците кои се во опсег  на читачот. Значи, користењето на овие водомери, вклучува и надградба со радиомодули и миникомпјутери за инкасантите,  како и софтвер кој ја поддржува постоечката софтверска програма на претпријатието.

Замената на постоечките механизми за водомери со механизми за далечинско отчитување  (водоинсталатерските работи) би се завршиле за приближно 20 работни дена (односно првата фаза од проектот), а инсталацијата на модулите и програмирањето (втората фаза од проектот) за приближно 16 работни дена и 5 дена  пробна работа.

Во третата фаза од проектот ќе се изработи евалуација на резултатите од примената на новиот систем на отчитување. Зависно од евалуацијата ќе се премине на понатамошна изведба на проектот и кај останатите реони од градската водоводна мрежа.

Многу земји во ЕУ и надвор од неа се веќе вклучени во проекти со водомери со далечинско отчитување на ниво на демонстрација или на пошироко ниво. Постојат голем број на придобивки од примената на овие, таканаречени „паметни“ водомери.

• Една од предностите на примената на механизмите за водомери со далечинско отчитување е во тоа што инкасантите од ЈКП Дервен ќе можат за само неколку минути, од далечина, да измерат состојба на водомерите кај цела станбена зграда.
•  
• Со во­ве­ду­ва­ње­то на овој си­стем ќе се овоз­мо­жи чи­та­ње на сме­тки­те се­кој ме­сец, а не ка­ко до­се­га, три­па­ти во го­ди­на­та.
•  
• Исто така, ќе се заштити приватноста на корисниците, заради тоа што нема да има потреба инкасантите да влегуваат во становите и таму да ја утврдуваат состојбата со потрошената вода.
•  
• Уште една предност е тоа што во случај на оштетена инсталација и постојан проток на вода, овие механизми веднаш ќе дадат сигнал, по што инкасантите ќе можат да ги алармираат корисниците дека нешто не е во ред со нивната куќна инсталација и ќе се постигне да се намали непотребно потрошената количина на вода кај корисниците.

Намерата на ЈКП Дервен е во иднина сите потрошувачи да се префрлат на овој нов систем за отчитување. Онаму каде веќе постојат водомери, претпријатието ќе изврши замена бесплатно, а онаму каде нема, се разбира, трошоците ќе ги сносат самите потрошувачи.

Првата фаза од пилот проектот ќе го чини претпријатието околу 120.000 денари.

Доколку проектот покаже успешни резултати, претпријатието оваа година ќе изврши замена на мехнизми за далечинско отчитување кај 2.000 водомери.

Доколку постоечкиот водомер не одговара на новиот механизам, претпријатието бесплатно ќе постави нов водомер кај корисникот а стариот ќе му го врати, при што новиот водомер ќе биде сопственост на ЈКП Дервен.

На 16.04.2011 заврши акцијата на РЕ Комунална хигиена при ЈКП Дервен за сезонско чистење на отворениот канал на ул. Јане Сандански, наречен „Потокот“ што започна на 13.04.2011, а што се спроведува повеќе пати годишно во согласност со Работната програма усвоена од страна на Советот на општина Велес. 

Работните активности опфаќаа чистење на каналот од диво зеленило и насобран комунален смет и перење на истиот.

И оваа сезона проблем претставува фактот што несовесни граѓани го исфрлаат сметот од домаќинствата во каналот и за кратко време по чистењето тој се претвора во дива депонија од која се шири непријатна миризба и која претставува опасност за здравјето на луѓето. Детски играчки, пластични шишиња, стари обувки и облека, кеси полни со полураспадната храна и секаков отпад од домаќинствата беше насобраното ѓубре што го затекнаа екипите на ЈКП Дервен. Во последната акција за чистење на каналот оваа есен беа собрани околу 15 трактори смет, по што непријатната миризба веднаш прекина. Но до кога?

Само еден ден по завршувањето на акцијата, во каналот веќе може да се најдат пластични шишиња и ѓубре.

Read More

Денеска, на13.04.2011, РЕ Комунална хигиена започна со сезонската акција за чистење на отворениот канал на ул. Јане Сандански, наречен „Потокот“, што се спроведува повеќе пати годишно во согласност со Работната програма усвоена од страна на Советот на општина Велес.

            Акцијата ќе трае три дена, а работните активности опфаќаат чистење на каналот од диво зеленило и насобран комунален смет и перење на истиот.

            И оваа сезона проблем претставува фактот што несовесни граѓани го исфрлаат сметот од домаќинствата во каналот и за кратко време по чистењето тој се претвора во дива депонија од која се шири непријатна миризба и која претставува опасност за здравјето на луѓето. Детски играчки, пластични шишиња, стари обувки и облека, кеси полни со полураспадната храна и секаков отпад од домаќинствата беше насобраното ѓубре што утрово го затекнаа екипите на ЈКП Дервен. Во последната акција за чистење на каналот оваа есен беа собрани околу 15 трактори смет, по што непријатната миризба веднаш прекина. Но до кога?

            Апелираме до граѓаните, во сопствен и во интерес на пошироката заедница, да допринесат за зачувувањето на здрава животна средина и да го оставаат сметот од домаќинствата на одредените места од каде екипи на ЈКП Дервен редовно го собираат комуналниот смет.

Оваа пролет во градскиот парк се врши првата поголема реконструкција по 60 години од неговото постоење.

Откако беа отстранети старите, деградирани дрвја и неорганизирано зеленило од паркот и се изврши длабока обработка на земјиштето како подготовка за засадување, од денеска започна и 2та фаза од проектот. Работници од градежната компанија Изгрев инжинеринг работат на поставување ивичњаци на патеките во паркот, а истовремено, вработените од РЕ Паркови и зеленило работат на поставување на систем за наводнување долж патеките. По овие активности ќе следи сеење на трева по тревниците.

Како што јавноста веќе беше информирана, во 3та фаза од проектот ќе се изврши хортикултурно уредување на Градскиот парк. Сите активности од процесот за заживување на градскиот парк ќе се извршуваат во временски период кога е најпогодно за правилен раст и развој на зеленилото, дрвјата и цвеќињата, и во зависност од временските услови.

Оваа пролет во Градскиот парк ќе се изврши првата поголема реконструкција и овој процес ќе има три фази.

Првата фаза е веќе во тек. Се врши длабока обработка на почвата како припрема за пролетно садење и уредување на паркот. Поради влезот на тешка механизација и возила во паркот што ги изнесуваа трупците и корените од старите деградирани дрвја кои во текот на есента и зимата беа исечени, површината на градскиот парк е набиена, и потребно е процесот на длабока обработка на земјиштето неколку пати да се повтори додека не биде соодветно за садење. Деновиве РЕ Паркови и зеленило работи и на расчистување на Градскиот парк од трупци и корења, деградирана жива ограда, и искршени клупи и корпи.

Во втората фаза ќе се изврши дефинирање и уредување на патеките во паркот како и сеење на трева по тревниците.

Во третата фаза ќе се започне со хортукултурно уредување на паркот.

Сите активности од процесот за заживување на градскиот парк ќе се извршуваат во временски период кога е најпогодно за правилен раст и развој на зеленилото, дрвјата и цвеќињата.

Освен овие активности може да се спомне и дека заврши садењето на розите од проектот „7000 рози за Велес“ на повеќе локации во градот, во кои спаѓа и Градскиот парк, рози кои експертите ги препорачаа, екологистите ги обезбедија, а велешани заедно со вработените од ЈКП Дервен ги засадија, а кои треба да ги извадат тешките метали од почвата во градот.

РЕ Комунална хигиена масовно работи на уредување на двете локации на старите градски гробишта кај црквите Св. Пантелејмон и Св. Спас. Заврши чистењето на гробиштата од смет и неорганизирано зеленило, а во тек се градежните работни активности за поставување на капија на гробиштата кај црквата Св. Пантелејмон и  реконструкцијата на ѕидот од левата страна на капијата.