22ри МАРТ – СВЕТСКИ ДЕН НА ВОДАТА
На иницијатива на Меѓународната асоцијација на вода и УНЕСКО во1993 година, во многу земји во светот 22 Март е прогласен за Ден на водата.
Водата е скапоцена затоа што без неа нема да постои живот. И покрај тоа што изгледа дека на планетата Земја вода има во изобилство, факт е дека само помалку од 1% од водата на земјата е употреблива за пиење.
![]()
Како што бројот на населението во светот расте, се зголемуваат и потребите од вода за пиење.
o 1,1 милијарди луѓе на Земјата немаат константен пристап до здравствено исправна вода за пиење, а 2,4 милијарди немаат пристап до вода за одржување на хигиената ниту пак канализација.
o Во последниве 30 години земјоделското производство се зголеми за повеќе од 100%, а 3/4 од вкупно потрошената вода се троши за земјоделското производство.
o Недостатокот од вода значи несигурност во производството на храна, сиромаштија, глад и ширење на заразни болести.
Доколку сакаме сите да уживаме во нашите скапоцени резерви, мора да бидеме повнимателни како ги користиме.
Водата е скапоцена.
Ајде да ја заштитиме.
Во просек, секој човек во град Велес троши по 150л вода дневно! Но, може и помалку. Погледнете ги нашите совети за економично трошење на водата за пиење:
![]()
ВО ГРАДИНАТА
– При одржувањето на вашата градина, користете кофа а не црево за наводнување. При наводнувањето со црево се троши многу повеќе вода за време од еден час отколку што троши целото семејство на ден. И автомобилот може да се испере со кофи вода.
– Тревата може да опстане подолг период без да се наводни и брзо ќе се освежи при следниот дожд. Поставувањето на сечилата од косилката на повисоко ниво ќе помогне во спречувањето тревата да се исуши при топло време.
![]()
– Собирајте ја дождовната вода!!! Таа е одлична за вашата градина. Соберете ја од олуците во буре за вода и искористете ја за наводнување на вашата градина.
ВО ДОМОТ
– Осигурајте се дека вашето тоалетно казанче е исправно и дека никаде во домот нема цевка што протекува.
– Не ја трошете целата вода од тоалетното казанче наеднаш.
– Пуштајте ги машините за перење алишта или садови само кога се наполнети. Машината за перење троши и до 65 л вода, а машините за миење садови до 20л.
![]()
– Не оставајте водата од чешмата да тече додека ги миете забите. Затворањето на чешмата додека ги миете забите може да заштеди повеќе од 7.000 литри вода годишно
– Намалете го времето што го минете под тушот. Туширање со нормален млаз ќе потроши околу 35л вода за 5 минути, но внимавајте!!! Туширањето со силен млаз на вода ќе потроши повеќе од 125л за истото време.
ДА ЈА ШТЕДИМЕ ВОДАТА – СКАПОЦЕНА Е !!!
Известување 21.03.2011
Во акцијата за одбележување на 21ви Март, Денот на пролетта, а во организација на локалната самоуправа и еколошкото друштво Вила Зора, во текот на вчерашниот ден вработените од ЈКП Дервен работеа на чистење на локацијата околу Спомен костурницата, ископ на дупки за садење на садници и озеленување на теренот. За потребите на оваа акција РЕ Паркови и зеленило при ЈКП Дервен обезбеди околу 150 садници од сопствено производство, од кои најголем дел се разни видови на цветни и зимзелени грмушки, како и садници од јасен.
Во акцијата, освен вработените од ЈКП Дервен зедоа учество и граѓаните, како и претставници од локалната самоуправа и невладините организации од градот.


07.03.2011
Деновиве РЕ Паркови и зеленило работи на расчистување на Градскиот парк од трупци и корења, деградирана жива ограда, и искршени клупи и корпи. Освен тоа, се врши и длабока обработка на почвата како припрема за пролетно садење и уредување на паркот.
РЕ Паркови и зеленило работат и на кроење на гранки од дрвја и грмушки по сите јавни зелени површини во градот, а кај црквата Св. Спас работат на хортикултурно уредување со цветни грмушки на новоподигната жардињера.
При крај е и садењето на розите од проектот „7000 рози за Велес“ на повеќе локации во градот, кои експертите ги препорачаа, екологистите ги обезбедија, а велешани заедно со вработените од ЈКП Дервен ги засадија, а кои треба да ги извадат тешките метали од почвата во градот.
Од неодамна завршените активности може да спомне новоподигнатата зелена површина на ул. Славе Георгиев-Сватот, која е хортикултурно уредена од страна на стручни лица од ЈКП Дервен, како и садењето на 150 чемпреси како продолжување на постоечката жива ограда од зимзелени садници, 40 листопадни садници и 50 цветни грмушки на новите градски гробишта кај Раштани.
Известување 03.02.2011
Ги известуваме нашите ценети корисници дека поради исклучување на електрична енергија од страна на ЕВН – Велес, денеска, на 03.02.2011 година, во периодот од 11:00 до 13:00 часот водоснабдувањето ќе биде прекинато на ул. Сараевска кај оние корисници кои се снабдуваат со вода за пиење преку хидрофорски систем.
Благодариме за разбирањето.
Известување 21.01.2011
ЈКП Дервен ги известува своите корисници дека поради неопходни работни активности на водоводна линија, денеска, на 21.01.2011 год, од 9:30 часот водоснабдувањето ќе биде прекинато на ул. Јовче Ќучук.
Благодариме за разбирањето.
Известување 20.01.2011
Ги известуваме нашите корисници дека поради дефект на водоводна линија на ул. Богдан Каракостев, денеска, на 20.01.2011 год. во периодот од 12:00 до 14:00 часот, поради неопходни работни активности за отстранување на дефектот, водоснабдувањето ќе биде прекинато на ул. Богдан Каракостев и ул. Ганчо Хаџи Панзов.
Благодариме за разбирањето.
Вести 14.01.2011
На ден 12.01.2011 година РЕ Комунална хигиена работеше на чистење на муљ од бетонскиот дел на кејот покрај р. Вардар.
На ден 13.01.2011 година РЕ Комунална хигиена и РЕ Паркови и зеленило работеа на перење на кејот покрај р. Вардар и чистење на брегот од левата страна на р. Вардар од Мало мовче до паркинг местото кај градскиот пазар од неорганизирано зеленило, отпадоци и наноси од смет што при неодамнешните поплави се појавија долж брегот. Сиот собран смет беше утоварен и транспортиран до депонија.
Денеска, на ден 14.01.2011 година РЕ Комунална хигиена продолжува да работи на чистење на брегот од левата страна на р. Вардар и десната страна на р. Вардар од Мало мовче до Епархија.
Од наведените работни активности вкупно досега се изнесени 8 трактори смет.
![]()
![]()
![]()
![]()
Известување 13.01.2011
Ги известуваме граѓаните дека поради дефект на водоводна линија на ул. Луј Пастер, денеска на 13.01.2011 година, во 11 часот ќе биде прекинато водоснабдувањето на ул. Камка Тоцинова, ул. Киро Чауле и дел од ул. Луј Пастер.
Работните тимови на РЕ Водовод ќе вложат напори да го отстранат дефектот во најкус можен рок.
Благодариме за разбирањето.
Известување 23.12.2010
Во текот на денешниот ден РЕ Водовод и канализација ќе изведе промена на водоводна линија на ул. Тодор Јанев, поради што во периодот од 9:00 до 11:00 часот на дел од оваа улица ќе има прекин во водоснабдувањето.
Освен овие работни активности, РЕ Водовод и канализација денеска ќе работат и на отстранување на поголем дефект на канализациона линија на ул. Маршал Тито (во близина на „Чешелот“), со употреба на машинерија за одзатнување на линијата.
На барање на граѓаните, РЕ Паркови и зеленило ќе започне со кроење и сечење на деградирани и суви дрвја во градот. Активностите ќе започнат во 9:00 часот на ул. Марксова, наспроти главниот влез на ОУ „Васил Главинов“.
РЕ Комунална хигиена, по повод одржувањето на панихида за 108 годишнината од смртта на велешкиот револуционер Миле Поп Јорданов (25.12.2010), денеска ќе работи на чистење на пристапните патишта до црквата Св. Пантелејмон каде ќе се одржи панихидата, како и гробното место на Миле Поп Јорданов, каде ќе се одржи свечена литургија .